Gürcüstanda son sutkada 45 nəfər koronavirusdan ölüb

Gürcüstanda ötən sutkada koronavirusa 4 260 yeni yoluxma halı qeydə alınıb, 2 947 nəfər müalicə olunaraq sağalıb, 45 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19-a yoluxanların ümumi sayı 147 636 nəfərə çatıb ki, onların da 124 568-i sağalıb, 1 387-si isə ölüb.

Hazırda karantin rejimində 1 974, stasionar nəzarətdə 6 561 nəfər saxlanılır. 3 867 nəfər isə xüsusi otellərdə müalicə alır.