ATƏT sədri: Bakı ilə İrəvan arasında hərtərəfli sülhə nail olmaq bizim üçün prioritetdir

Ermənistan və Azərbaycan arasında sabit və hərtərəfli sülhə nail olmaq ATƏT üçün prioritet olaraq qalır.

“Report” Ermənistan KİV-ə istinadən xəbər verir ki, bunu ATƏT-in fəaliyyətdə olan sədri Yan Borq İrəvanda keçirilən brifinqdə deyib.

“Dialoq və diplomatiya yeganə yoldur. Biz əminik ki, hərtərəfli nizamlanmaya nail olmaq üçün konstruktiv dialoq lazımdır. Sərhədlər məsələsində əldə olunan irəliləyiş, şübhəsiz ki, bu yolda dəyərli addımdır. Sabah Bakıda mən azərbaycanlı həmsöhbətlərimi danışıqlara etibarlı və sabit sadiqlik nümayiş etdirməyə çağıracağam”, - o bildirib.