Ukrayna MN: Rusiya ilə məhbus mübadiləsini davam etdirməyə hazırıq

Kiyev Moskva ilə əsir mübadiləsini davam etdirməkdə maraqlıdır və bu istiqamətdə işləməyə hazırdır.

“Report” xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov bildirib.

"Bu mübadilələri davam etdirmək çətin də olsa, işləməyə hazırıq. Amma bu, iki tərəfin iştirak etməli olduğu bir prosesdir. Ukrayna müdafiəçilərini qaytarmaqda maraqlıdır”, - A.Yusov deyib.

Bundan əvvəl Rusiya Dövlət Dumasının Müdafiə Komitəsinin rəhbəri Andrey Kartapolov jurnalistlərə bildirib ki, Rusiya hərbi əsirlərinin Ukraynadan qaytarılması istiqamətində iş davam etdiriləcək.