Qazaxıstanın Baş naziri OPEC-in baş katibi ilə enerji məsələlərini müzakirə edib

Qazaxıstanın Baş naziri Oljas Bektenov və OPEC-in baş katibi Haysam Əl-Qais qlobal neft bazarındakı mövcud vəziyyəti və cari əməkdaşlıq məsələlərini müzakirə ediblər.

“Report”un xəbərinə görə, bu barədə Qazaxıstan Respublikası Baş nazirinin rəsmi saytında məlumat verilib.

Qeyd olunur ki, hökumət başçısı OPEC-in qlobal neft bazarının sabitliyinin təmin edilməsində mühüm rolunu vurğulayıb.

Görüşdən sonra Oljas Bektenov və Heysam Al-Qais uğurlu və məhsuldar əməkdaşlığı davam etdirmək niyyətlərini təsdiqləyiblər.

Qeyd edək ki, Qazaxıstan 2016-cı ildən OPEC+ sazişinin iştirakçısıdır. Ölkədə neft hasilatı 90-dan çox yerin təki istifadəçisi tərəfindən həyata keçirilir.