Gürcüstan Milli Bankı uçot dərəcəsini artırıb

Gürcüstan Milli Bankı uçot dərəcəsini 0,5% bəndi artıraraq 7%-ə çatdırıb.

“Report”un Gürcüstan bürosu xəbər verir ki, bu barədə bankın Monetar siyasət departamenti qərar qəbul edib.

Bankdan bildirilib ki, avqustda illik inflyasiya 4,9% təşkil edib. Yüksək inflyasiya səviyyəsini bir neçə faktor əsaslandırıb ki, bunlardan da biri siqaretə tətbiq olunan aksiz vergisidir. Eyni zamanda nominal effektiv məzənnənin də son zamanlar inflyasiyaya təsiri artıb.

Milli Bank cari iqtisadi prosesləri və maliyyə bazarlarına nəzarəti davam etdirəcəyini və qiymətlərin sabitlyini təmin etmək üçün bütün mümkün vasitələrdən istifadə edəcəyini bildirib.