Əli Əhmədov: Özəl bağçalarda dövlət müəssisələri üçün nəzərdə tutulan meyarlar tətbiq olunmalıdır

Özəl uşaq bağçalarında dövlət müəssisələri üçün nəzərdə tutulmuş meyarlar tətbiq olunmalıdır.

“Report” xəbər verir ki, bunu Milli Məclis sədrinin birinci müavini Əli Əhmədov “Uşaq hüquqları haqqında” qanuna dəyişikliyin müzakirəsi zamanı deyib.

O qeyd edib ki, Azərbaycanda dövlətin müəyyənləşdirdiyi qaydalar özəl uşaq bağçalarında tətbiq edilmir: “Bir müddət əvvəl Bakı şəhərində çox ciddi pozuntular aşkarlanan uşaq bağçaları məlum oldu. Bu faktlar onu söyləməyə əsas verir ki, həmin bağçaların qeydiyyata alınması, lisenziya verilməsi, sonra onların fəaliyyətinə nəzarətin həyata keçirilməsi ciddi şəkildə reqlamentləşdirilməlidir. Müvafiq dövlət orqanları buna nəzarət etməlidir”.