Naxçıvanda dövlət əmlakının icarəsindən daxilolmalar 37 % artıb

Maliyyə
  • 18 noyabr, 2026
  • 10:48
Naxçıvanda dövlət əmlakının icarəsindən daxilolmalar 37 % artıb

Bu ilin yanvar-oktyabr aylarında Naxçıvan Muxtar Respublikasında qeyri-yaşayış və torpaq sahələrinin icarəsindən dövlət büdcəsinə ümumilikdə 783 min manat vəsait daxil olub.

"Report"un yerli bürosu xəbər verir ki, bu, ötən ilin eyni dövrü ilə müqayisədə 37,1 % çoxdur.

Bundan başqa, 10 ayda Naxçıvanın İqtisadiyyat Nazirliyi yanında Əmlak Məsələləri Dövlət Xidməti dövlət əmlakının icarəyə verilməsinə dair 168 yeni müqavilə bağlayıb. Bunlardan 109-u qeyri-yaşayış, 59-u isə torpaq sahələrinə aid olub. Həmçinin 205 icarə müqaviləsinin müddəti uzadılıb.