Azərbaycanın bank sektorunun aktivlərinin gəlirliliyi artıb

2019-cu ildə Azərbaycanın bank sektoru 536,9 milyon manat xalis mənfəət əldə edib ki, bu da yerli bankların bu il yanvarın 1-nə malik olduğu 32 722,8 milyon manat məbləğində aktivlərin 1,64%-i qədərdir.

“Report” bu barədə Azərbaycan Mərkəzi Bankına istinadən xəbər verir.

Xatırladaq ki, 2018-ci ildə bank sektoru 279,4 milyon manat və yaxud ötən il yanvarın 1-nə malik olduğu 29 502,4 milyon manat məbləğində aktivlərin 0,95%-i qədər xalis mənfəət əldə etmişdi. Göründüyü kimi, sektorun aktivlərinin gəlirliliyi 0,69 faiz bəndi artıb.