“Kristal Abşeron”a cərimə yazılıb

“Kristal Abşeron” Mənzil Tikinti Kooperativi (MTK) cərimə edilib.

“Report”un məlumatına görə, MTK-ya İnzibati Xətalar Məcəlləsinin 192.1 (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) maddəsi ilə protokol tərtib edilib.

Protokol baxılması üçün Nəsimi Rayon Məhkəməsinə göndərilib.

İş hakim Elməddin Hüseynovun icraatındadır.

Bu inzibati xətaya görə, hüquqi şəxslər iyirmi min manatdan iyirmi beş min manatadək məbləğdə cərimə edilir.