Roman Saley: "İkinci qızıl medalı qazandığım üçün şadam"

"Mənə dəstək olan hər kəsə təşəkkür edirəm. Qalib gəldiyim üçün çox şadam".

"Report"un məlumatına görə, bunu Tokio-2020 Yay Paralimpiya Oyunlarında ikinci qızıl medalını qazanan Azərbaycan üzgüçüsü Roman Saley deyib.

100 metr məsafəyə sərbəst üsulla üzmə yarışında fəxri kürsünün ən yüksək pilləsinə qalxan idmançı daha böyük uğurlar əldə etməyə çalışacağını bildirib: "Bu, mənim Tokio paralimpiadasında 2-ci qızıl medalımdır. Necə deyərlər, bundan sonra daha böyük mükafat qazanacağıma ümid edirəm".

Qeyd edək ki, Roman Saley daha əvvəl 100 metr məsafəyə arxası üstə üzmə yarışında birinci olub.