Azərbaycanın daha bir ağırlıqqaldıranı Avropa birinciliyində mübarizə aparıb

Azərbaycanın yeniyetmə ağırlıqqaldıranı Hüseyn Heydərov Yunanıstanın Saloniki şəhərində keçirilən Avropa birinciliyində mübarizə aparıb.

Azərbaycan Ağırlıqqaldırma Federasiyasının mətbuat xidmətindən "Report"a verilən məlumata görə, 17 yaşadək idmançılar arasında, 81 kq çəki dərəcəsində qüvvəsini sınayan atlet 8-ci olub.

Heydərov toplam 271 kq-ın (126+145) öhdəsindən gəlib.

Qeyd edək ki, daha əvvəl Aslan Əmiraslanov (U-15, 89 kq) üç qızıl, İsa Əliyev (U-15, 73 kq) iki qızıl, bir gümüş, Elman Kurdanov (U-15, 67 kq) iki gümüş, bir bürünc, Nuray Əbilova (U-15, 40 kq) gümüş medal əldə edib.