“Saudi Aramco” Asiya üçün qiymətləri qaldırıb

Səudiyyə Ərəbistanının “Saudi Aramco” dövlət neft şirkəti Asiya və Aralıq dənizi regionu müştəriləri üçün ixrac qiymətlərini qaldırıb.

“Report” “Bloomberg”ə istinadən xəbər verir ki, bu qərar bir çox ölkələrdə əhalinin bu aydan koronavirusa qarşı peyvəndlənəcəyinə dair xəbərlərin təsiri ilə verilib.

Belə ki, “Arab light” neft markasının qiyməti 80 sent qaldırılıb. Halbuki bahalaşmanın 65 sent olacağı gözlənilirdi.

Qeyd edək ki, bir çox ölkələrdə pandemiyanın ikinci dalğası olduğu üçün Səudiyyə Ərəbistanı üç aydır neftin ixrac qiymətlərini qaldırmırdı.