Şahin Bağırov: "Büdcə proqnozunu yerinə yetirməyimiz üçün problem yoxdur"

Azərbaycanın gömrük orqanlarının dövlət büdcəsi ilə bağlı proqnozu yerinə yetirməsi üçün hər hansı problem yoxdur.

"Report" xəbər verir ki, bunu jurnalistlərə açıqlamasında Dövlət Gömrük Komitəsinin sədri Şahin Bağırov bildirib.

"Gömrük orqanları bu il də büdcə proqnozunun yerinə yetirilməsini təmin edəcək. Bu proqnoz hesablamalara əsaslanır. Ticarət əməliyyatları, xüsusilə idxalın həcmi nəzərdən keçirilir. Daha sonra dəqiq rəqəmlər təsbit olunur və təsdiq olunur. Apardığımız fəaliyyət nəticəsində büdcə proqnozunun yerinə yetirilməsində bir çətinlik yoxdur. Növbəti ilin də büdcə sənədləri qəbul olunub və biz qarşımızda duran və müəyyən olunmuş tapşırıqları yerinə yetirəcəyik",- deyə o qeyd edib.