“Report” İnformasiya Agentliyi mükafata layiq görülüb

Bakıda keçirilən Ümumdünya Gömrük Təşkilatının İnformasiya Texnologiyaları Konfransı və Sərgisi çərçivəsində Dövlət Gömrük Komitəsi 3 ölkənin gömrük orqanı ilə görüş keçirib.

“Report”un məlumatına görə, bu barədə tədbirlərin bağlanış mərasimində komitənin sədr müavini İqbal Babayev bildirib.

Onun sözlərinə görə, bundan əlavə, 2 şirkət və beynəlxalq təşkilatla görüşlər baş tutub. Daha 8 sərgi iştirakçısı ilə müqavilə imzalayıb.

Qeyd edək ki, sərgi və konfransı dolğun işıqlandırdığı üçün 3 yerli televiziya kanalı – AzTV, İTV və ARB TV, eləcə də “Report” İnformasiya Agentliyi xüsusi xatirə hədiyyəsi ilə təltif edilib.