İstanbulda “Texnofest” festivalının açılış mərasimi keçirilib - YENİLƏNİB

Türkiyənin İstanbul şəhərində “Texnofest” festivalının açılış mərasimi keçirilib. 

“Report” Türkiyə KİV-inə istinadən xəbər verir ki, festivalda 102 fərqli kateqoriyalarda 41 yarışma üzrə 1 milyondan çox layihə iştirak edir. 

Festival çərçivəsində “Bayraktar Kızılelma”, “Bayraktar Akıncı” və ilk dəfə olaraq “Bayraktar-TB3” Silahlı Pilotsuz Uçuş Aparatı da ziyarətçilərə təqdim edilir.

13:46

“Ötən il sərhədləri aşdıq və qardaş ölkə Can Azərbaycanda “Texnofest”i təşkil etdik”.

“Report” xəbər verir ki, bunu Türkiyənin “Baykar” şirkətinin texniki direktoru Səlcuq Bayraktar İstanbulda “Texnofest – 2023”ün açılış mərasimində çıxışı zamanı deyib.

O, növbəti “Texnofest”lərin dost və qardaş ölkələrdə keçiriləcəyinə ümid etdiyini söyləyib: “Cümhuriyyətimizin yaradılmasının yüzüncü ilində İzmirdə, Ankarada da “Texnofest”i təşkil etmək istəyirik. Mədəniyyətimizin elm və texnologiyadakı mövcudluğu “Texnofest” nəsli ilə davam edəcək. Mədəniyyətimizin texnologiya ilə bağlarını qorumaq üçün “Texnofest” yaşamalıdır”.