Qazaxıstanın KİV və ictimaiyyət nümayəndələri Gəncə şəhərində səfərdədirlər 

Qazaxıstanlı bir qrup KİV və ictimaiyyət nümayəndələri Gəncə şəhərinə səfər ediblər.

"Report"un Qərb bürosunun məlumatına görə, Qazaxstanın ictimaiyyət və KİV nümayəndələrindən ibarət qrup Gəncə şəhərinə səfərdədir. Nümayəndə heyəti Gəncənin Ermənistan silahlı qüvvələri tərəfindən raket atəşinə tutulması nəticəsində dağılan ərazidə olublar. Orada şəhid olan mülki şəxslərin ruhuna hörmət əlaməti olaraq əraziyə güllər qoyublar.

Daha sonra qonaqlara Vətən müharibəsi zamanı Ermənistan Silahlı Qüvvələri tərəfindən Gəncədə törədilən terror hadisələrinlə bağlı məlumatlar verilib.

Qeyd edək ki, ötən gün Şuşada olan Qazaxıstanlı qonaqlar Gəncədən sonra Ağdam şəhərinə səfər edəcəklər.