Ərdoğan martın 21-nin TDT-yə üzv ölkələrdə Novruz Bayramı Günü kimi qeyd olunmasını təklif edib

Martın 21-nin Türk Dövlətləri Təşkilatına üzv ölkələrdə Novruz Bayramı Günü kimi qeyd edilməsi təklif olunub. 

“Report”un Budapeştə ezam olunmuş əməkdaşı xəbər verir ki, bu təkliflə Türkiyə Prezidenti Rəcəb Tayyib Ərdoğan mayın 21-də Macarıstanın paytaxtı Budapeştdə keçirilən Türk Dövlətləri Təşkilatının (TDT) Dövlət Başçıları Şurasının qeyri-rəsmi Zirvə görüşündə çıxış edib.

Onun sözlərinə görə, rəsmi Ankara Macarıstanın Türk Mədəniyyəti və İrsi Fonduna üzvlüyünü dəstəkləyir:

"Bu gün Macarıstan TDT ilə Avropa ölkələri arasında münasibətlərin inkişafına böyük töhfə verir. Fikrimcə, TDT-nin büdcəsini iki dəfə artırmaq mütləqdir. Eyni zamanda Özbəkistanın da TÜRKSOY-a üzv qəbul edilməsi çox önəmlidir”.