Gürcüstan avqustda turizm gəlirlərini 13 dəfədən çox artırıb

Bu ilin avqust ayında Gürcüstan turizmdən 198,8 milyon ABŞ dolları gəlir əldə edib.

“Report”un yerli bürosu xəbər verir ki, bu barədə ölkənin Milli Bankının analitik hesabatında bildirilir.

Sənədə əsasən, bu, ötən ilin eyni dövrü ilə müqayisədə gəlir 13,4 dəfə çoxdur.

Ötən ay Gürcüstana 267,4 min nəfər beynəlxalq ziyarətçi səfər edib ki, bunun da 247,2 min nəfəri turist olub. Beynəlxalq ziyarətçilərin sayı ötən ilin eyni dövrünə nisbətən 5,3 dəfə, turistlərin sayı isə 7,1 dəfə artıb.

Yanvar-avqust aylarında isə Gürcüstanın turizm gəlirləri 703,9 milyon dollar təşkil edib.