Azərbaycanda koronavirusa yoluxanların yaşı açıqlandı

Azərbaycanda bu günə qədər (aprelin 14-nə olan rəqəmlər) təsdiq edilən yoluxma hallarının yaş qruplarına və cinsiyyətinə görə sayı məlum olub.

“Report” xəbər verir ki, bu statistikanı TƏBİB-in İdarə Heyətinin sədri Ramin Bayramlı açıqlayıb.

O bildirib ki, ölkədə yoluxanlardan 640 nəfəri qadın, 557 nəfəri isə kişilərdir: "Yaş qruplarına gəlincə, 0-9 yaş arasında 66 nəfər, 10-19 yaş arası 60, 20-29 yaş arası 175, 30-39 yaş arası 214, 40-49 yaş arası 198, 50-59 yaş arası 248, 60-69 yaş arası 157, 70-79 yaş arası 56, 80 və yuxarı yaş qrupunda isə 23 nəfərdə yoluxma qeydə alınıb".