Putin: Pasxa atəşkəsindən sonra hərbi əməliyyatlar yenidən başlayıb

Rusiya və Ukrayna arasında döyüş əməliyyatları Pasxa atəşkəsinin başa çatmasından sonra yenidən bərpa olunub.

“Report” Rusiya KİV-ə istinadən xəbər verir ki, bunu Prezident Vladimir Putin jurnalistlərə açıqlamasında bildirib.

Onun sözlərinə görə, Rusiya aprelin 19-u axşam saatlarından  aprelin 21-dək qüvvədə olan Pasxa atəşkəsinin nəticələrini öyrənməlidir.

V.Putin həmçinin Ukraynanın mülki obyektlərə zərbə endirməmək təklifinin nəzərdən keçirilməsinin vacibliyini bildirib.

"Bunu araşdırmaq lazımdır, bu, bəlkə də ikitərəfli qaydada diqqətli araşdırma tələb edən mövzudur", - o əlavə edib.