ABŞ Gürcüstandakı vətəndaşlarına xəbərdarlıq edib

ABŞ-ın Gürcüstandakı səfirliyi bu ölkədə olan vətəndaşları üçün xəbərdarlıq yayıb.

“Report”un yerli bürosu xəbər verir ki, diplomatik nümayəndəlik vətəndaşları bu həftəsonu ehtiyatlı olmağa və insanların mümkün kütləvi toplanışlarına və etirazlarına münasibətdə müşahidəçi qismində qalmağa çağırıb.

“Gürcüstanın seçkilərlə bağlı zorakılığın yol verilə biləcəyi planlaşdırılmamış və spontan etirazlar tarixi var. Tbilisidə Rustaveli prospekti, parlament və digər dövlət binalarına yaxın məkanlar bu hadisələrin mərkəzi olub”, - məlumatda deyilir.

Qeyd edək ki, oktyabrın 2-də Gürcüstanda yerli özünüidarəetmə orqanlarına seçkilər keçiriləcək.