“Report”un əməkdaşı Qazaxıstan XİN-in keçirdiyi müsabiqənin qalibi olub

“Report” İnformasiya Agentliyinin əməkdaşı Nərgiz Məmmədova Qazaxıstan Xarici İşlər Nazirliyinin (XİN) keçirdiyi müsabiqənin qalibi olub.

“Report” xəbər verir ki, N.Məmmədova “Qazaxıstan xarici KİV-lərin gözü ilə” adlı hər il keçirilən müsabiqəyə “AQEM: Yeni Asiya yeni dünyada - Azərbaycandan baxış” məqaləsini təqdim edərək qalib olub.

Bu müsabiqədə 40 ölkədən 70-dən çox jurnalist iştirak edib. Müxtəlif ölkələri təmsil edən jurnalistlər, blogerlər öz işlərini müxtəlif formatlarda, o cümlədən çap və elektron nəşrlərdə, populyar internet platformalarında təqdim ediblər.

Müsabiqənin qalibləri bu ilin avqust ayında Astana, Almatı şəhərləri və Şərqi Qazaxıstan vilayətinə səfər etmək imkanı qazanıblar.