Bakıda “Taste of Europe” kulinariya festivalının açılışı olub

Bakıda “Taste of Europe” birinci Avropa kulinariya festivalının açılışı olub.

“Report” xəbər verir ki, festivalı Avropa İttifaqının Azərbaycandakı nümayəndəliyi təşkil edib.

Festivalın açılışında Avropa İttifaqının (Aİ) Azərbaycandakı səfiri Peter Mixalko çıxış edib.

O qeyd edib ki, Azərbaycan ilə Aİ ölkələri arasında çox sıx əlaqələr mövcuddur və bu əlaqələr hər gün daha da möhkəmlənir.

Bolqarıstan, Çexiya, Fransa, Macarıstan, İtaliya, Polşa və Rumıniya səfirlikləri ziyarətçiləri öz ölkələrinin milli yeməkləri ilə tanış edir.

Festivalda Azərbaycanın stendi də var.

Qeyd edək ki, festival Bakı sakinlərinə Avropa mətbəxini nümayiş etdirmək üçün nəzərdə tutulub.