IMF Azərbaycanın qeyri-neft-qaz iqtisadiyyatının artım proqnozlarını açıqlayıb

Beynəlxalq Valyuta Fondu (IMF) bu il Azərbaycanın qeyri-neft-qaz ümumi daxili məhsulunun (ÜDM) 4,5 % artacağını proqnozlaşdırır.

"Report"un IMF-yə istinadən verdiyi məlumata görə, 2026-cı ildə qeyri-neft ÜDM-nin 3,7 %, 2030-cu ilə qədər isə 3,5 % artacağı gözlənilir.

IMF 2025-ci ildə Azərbaycanın iqtisadi artımının 2024-cü ildəki 4,1 %-dən 3 %-ə qədər yavaşlayacağını gözləyir.

Proqnozlara görə, 2026-cı ildə ölkənin ÜDM-i 2,5 %, 2030-cu ildə isə 2,5 % artacaq.

Azərbaycan hökumətinin məlumatına əsasən, gələn il ölkədə iqtisadi artımın 2,9 %, o cümlədən qeyri-neft-qaz sektorunda 5 % təşkil edəcəyi proqnozlaşdırılır.