“Amrahbank”da kadr dəyişikliyi olub

Bakı. 6 aprel. REPORT.AZ/ “Amrahbank” ASC-nin Müştərilərlə iş Departamentinin direktoru dəyişib.

“Report” xəbər verir ki, bu vəzifəyə Laçın Əliyev təyin edilib. O, yeni vəzifəsində Rauf Migirovu əvəz edib.

Xatırladaq ki, "Amrahbank" 1993-cü ildən fəaliyyət göstərir və Azərbaycanda ərəb kapitallı yeganə bankdır. Onun nizamnamə kapitalı 39 844 400 manatdır. Bankın səhmlərinin 53,16%-i Yunis Əli oğlu İldırımzadəyə (Müşahidə Şurasının sədri, “Amrah Sığorta”nın 85%-lik səhmdarı), 0,33%-i Elza Abbas qızı İldırımzadəyə, 0,33%-i Əmrah Yunis oğlu İldırımzadəyə (“Amrah Sığorta”nın 15%-lik səhmdarı), 0,33%-i Xalid Yunis oğlu İldırımzadəyə, 45,84%-i isə Bəhreyn Beynəlxalq İnvestisiya Bankına məxsusdur.