Bakıda 2 müntəzəm marşrut xəttinin hərəkət sxemi dəyişdirilib

İnfrastruktur

26 aprel, 2021
09:42

Bakıda 2 müntəzəm marşrut xəttinin hərəkət sxemi dəyişdirilib

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı Nəqliyyat Agentliyi 36 və 104 nömrəli müntəzəm marşrut xətlərinin hərəkət sxemini dəyişdirib.

“Report” bu barədə agentliyə istinadən xəbər verir.

Məlumata görə, paytaxtın Suraxanı rayonunun Yeni Günəşli qəsəbəsinin Abbas Fətullayev küçəsinin Mərkəzi küçə ilə kəsişməsindən Köhnə Günəşli qəsəbəsinin İnqilab İsmayılov küçəsinin kəsişməsinə qədər olan hissəsində aparılan təmir-tikinti işləri ilə əlaqədar olaraq avtomobillərin hərəkəti məhdudlaşdırıldığı üçün 36 və 104 nömrəli müntəzəm marşrutların hərəkət sxemləri dəyişdirilərək məhdudiyyətə uyğun alternativ küçələrdən təşkil edilməsinə zərurət yaranıb.