Bakı Beynəlxalq Avtovağzalından Abşeron kəndlərinə işləyən xəttə əlavə 13 avtobus buraxılıb

Bakı. 3 iyul. REPORT.AZ/ Bakı Beynəlxalq Avtovağzalından Abşeron kəndləri istiqamətində işləyən xəttə əlavə olaraq 13 ədəd avtobus buraxılıb.

Bu barədə "Report"a Dövlət Avtomobil Nəqliyyatı Xidmətindən (DANX) məlumat verilib.

Məlumata görə, Bakı Beynəlxalq Avtovağzalından Abşeron kəndlərinə işləyən marşrut xəttində yaranmış problem artıq aradan qaldırılıb.

"Çoxsaylı şikayətlər nəzərə alınaraq xəttə əlavə olaraq 13 ədəd marşrut avtobus verilib", _ deyə məlumatda qeyd olunur.

Bakı Beynəlxalq Avtovağzalından Abşeronun kənd və qəsəbələrinə işləyən marşrut xətlərində yaranmış problemlə əlaqədar olaraq çoxlu sayda insan yollarda qalıb.