“Instagram”ın işində problem yarandı

Dünyanın bir sıra ölkələrində “Instagram” sosial şəbəkəsinin işində problemlər müşahidə olunur.

"Report" xəbər verir ki, bu barədə məşhur internet resursların işini izləyən "Downdetector" xidməti bildirir.

Sosial şəbəkənin işindəki nasazlıqlardan ən çox ABŞ, Avropanın bir çox ölkələri, həmçinin Böyük Britaniya, Niderland, Braziliya, Almaniya, Polşa və İtaliyadan olan istifadəçilər şikayət edirlər.

Xidmətin məlumatına görə, istifadəçilərin əksəriyyəti (təxminən 58%) xəbər xəttinə baxışda problemlərlə üzləşib, daha 25% istifadəçi öz hesabına daxil ola bilmir.