Cəbhəboyu zonada yerləşən bölmələrdə mədəni-kütləvi tədbirlər keçirilib

Bakı. 24 fevral. REPORT.AZ/ Azərbaycanın müdafiə naziri Zakir Həsənovun tapşırığına əsasən, hərbi qulluqçuların hərbi vətənpərvərlik tərbiyəsinin gücləndirilməsi, asudə vaxtının daha səmərəli təşkili məqsədilə səyyar təşviqat dəstəsi tərəfindən düşmənlə təmas xəttində yerləşən bölmələrdə mədəni-kütləvi tədbirlər keçirilib.

“Report” xəbər verir ki, Həzi Aslanov adına Mərkəzi Zabitlər Evinin kollektivi hərbi qulluqçularla görüşlərdə Vətənə, xalqa bağlılıq, dövlətə və hərbi anda sədaqət, düşmənə nifrət hissinin aşılanması ilə bağlı müxtəlif mövzularda söhbətlər aparıb, şəxsi heyət üçün musiqili proqramlar təqdim olunub.