Qahirədə data mərkəzində baş verən yanğında 4 nəfər ölüb, 20-dən çox insan xəsarət alıb

Misirin paytaxtı Qahirədə “Telecom Egypt” şirkətinin böyük data mərkəzində ötən gün baş verən yanğın nəticəsində 4 nəfər həlak olub, azı 22 nəfər yaralanıb.

“Report” xəbər verir ki, bu barədə “Reuters” Misir Səhiyyə Nazirliyinin nümayəndəsi Hossam Abdel Qaffara istinadən məlumat yayıb.

Qeyd olunub ki, zərərçəkənlərin əksəriyyəti zəhərlənib.

Bildirilib ki, yanğın həmin gün lokallaşdırılıb. Buna baxmayaraq, hadisə paytaxtın hər yerində telefon əlaqəsi və internetin işində ciddi fasilələrə səbəb olub. Pozuntular rəqəmsal bank xidmətlərinə də təsir göstərib: bankomatların, bank kartlarının və onlayn ödənişlərin işində nasazlıqlar yaranıb.

İlkin məlumatlara görə, yanğına qısaqapanma səbəb ola bilər.