Daşkəsəndə leysan yağışlar təsərrüfata ziyan vurub

Daşkəsən rayonunda leysan yağışlar yağıb, dolu düşüb, bir sıra fəsadlar yaranıb.

"Report"un Qərb bürosunun məlumatına görə, yağan leysan yağışlar nəticəsində Daşkəsən şəhərinin, bir neçə qəsəbə və kəndlərdə yağış suları əkin yerlərinə, küçələrə, həyətyanı və təsərrüfat sahələrinə dolub.

Avtomobil yollarında nəqliyyatın hərəkətində qismən çətinliklər yaranıb.

Küləklə müşahidə olunan leysan yağışlar və dolu meyvə ağaclarına da zərər vurub.

Dağ çaylarında suyun səviyyəsi artıb.

Qeyd edək ki, qeyri-sabit hava şəraiti Qərb bölgəsinin digər dağlıq rayonlarında və Gəncə şəhərlərində də müşahidə olunur.