Hədə-qorxu yolu ilə qadının pulunu alan şəxslərin məhkəməsi başlayıb

Bakı Ağır Cinayətlər Məhkəməsində hədə-qorxu ilə tələb etmədə təqsirləndirilən Nəsib Məmmədov, Rəhim Rzayev və Vaqif Məmmədovun cinayət işi üzrə məhkəmə iclası başlayıb.

"Report"un xəbərinə görə, hakim Rahib Salmanovun sədrliyi ilə keçirilən prosesdə təqsirləndirilən şəxslərin anket məlumatları dəqiqləşdirilib.

Məhkəmədə elan olunub ki, təqsirləndirilən şəxslərdən yalnız N.Məmmədovun barəsində həbs qətimkan tədbiri seçilib, digər ikisi isə hazırda ev dustaqlığındadır.

Məhkəmənin hazırlıq iclası martın 14-də davam etdiriləcək.

Qeyd edək ki, hadisə ötən il sentyabrın 8-də Bakı şəhərində baş verib.