Mario Götze klubu ilə müqaviləsinin müddətini artıra bilər

Almaniyanın "Ayntraxt" klubunda çıxış edən Mario Götze klubu ilə müqaviləsinin müddətini uzada bilər.

"Report" xəbər verir ki, bu barədə "Bild" nəşri məlumat yayıb.

Mənbə bildirir ki, tərəflər arasında danışıqlar martda start götürəcək. Hazırda hər şey müqavilə müddətinin uzadılmasına işarə edir və hətta Albert Rieranın baş məşqçi kimi gəlişindən sonra bu ehtimal bir qədər də artıb.

Götze Frankfurtda qalmağa meyilli olsa da, 33 yaşlı futbolçunun maaşının azaldılmasının zəruri olduğu bildirilir.

Qeyd edək ki, Götze bu mövsüm "Ayntraxt"ın heyətində bütün yarışlarda 24 oyun keçirib və iki məhsuldar ötürmə edib. Onun komandası ilə hazırkı sözləşməsi cari mövsümün sonuna qədər nəzərdə tutulub.