Dünya çempionatı: Slovakiya yığması Bakıda Hindistan millisini darmadağın edib

Bakıda təşkil olunan minifutbol üzrə dünya çempionatında daha bir oyun keçirilib.

"Report"un məlumatına görə, Milli Gimnastika Arenasında baş tutan günün beşinci matçında Slovakiya yığması Hindistanı darmadağın edib.

Qarşılaşma avropalıların 15:0 hesablı qələbəsi ilə yekunlaşıb.

Qeyd edək ki, daha əvvəl İngiltərə Ukraynanı (4:0), Portuqaliya Bolqarıstanı (3:1), Fransa Çadı (1:0) məğlub edib. Macarıstan - Türkiyə qarşılaşmasında qalib müəyyənləşməyib - 1:1.

A qrupunda yer alan Azərbaycan millisi saat 20:30-da Bəhreyni sınağa çəkəcək.

Foto: Məhəmməd Ağayev