Zelenski: “NATO-ya dəvət olunmağımız müharibənin sonunu yaxınlaşdıra bilər”

“NATO-ya dəvət olunmağımız müharibənin sonunu yaxınlaşdıra bilər”.

“Report” xəbər verir ki, bunu Ukrayna Prezidenti Volodimir Zelenski xarici KİV-ə müsahibəsində deyib.

Onun sözlərinə görə, Ukrayna yalnız müharibədən sonra NATO-nun bir hissəsi olacaq: “Amma bizi daha tez dəvət edə bilərlər. Bu, müharibənin sonunu yaxınlaşdıracaq”.

V.Zelenski həmçinin bildirib ki, rəsmi Kiyevin Avropa İttifaqına (Aİ) üzvlüyü ilə bağlı dialoq bu il başlana bilər: “Hər şey avropalı tərəfdaşların xoş niyyətindən və ya siyasi iradəsindən asılı olacaq".

Qeyd edək ki, NATO-nun Baş katibi Yens Stoltenberq daha əvvəl yalnız müharibə başa çatandan sonra Ukraynanın Alyansa üzv ola biləcəyini vurğulamışdı.