Venesuela hakimiyyəti evlərin və xəstəxanaların bərpası üçün 200 milyon dollarlıq fond yaradıb

Venesuelada 7,2 və 7,5 maqnitudalı güclü zəlzələlərin fəsadları ilə mübarizə ilə əlaqədar 200 milyon dollar məbləğində fond yaradılıb.

"Report" yerli mediaya istinadən xəbər verir ki, bu barədə respublikanın səlahiyyətli prezidenti Delsi Rodriges bildirib.

Onun sözlərinə görə, bu vəsaitlər xəstəxanaların və evsiz qalan insanların evlərinin bərpasına yönəldiləcək.

D.Rodriges, həmçinin insanlara dəstək üçün həm dövlət, həm də özəl sektordan kredit xətləri barədə açıqlama verib.

Yerli medianın məlumatına görə, axtarış-xilasetmə işlərində dəstək göstərmək üçün yaxın saatlarda ölkəyə ən azı beş ölkədən xilasetmə briqadaları cəlb ediləcək.