İki Avropa ölkəsi 40 ildən sonra dəmir yolu əlaqəsini bərpa edir

Finlandiya və İsveç 38 ildən sonra ilk dəfə sərnişin dəmir yolu əlaqəsini bərpa edəcək.

"Report" xəbər verir ki, bu barədə Finlandiyanın Yle telekanalı məlumat yayıb.

Bazar ertəsindən etibarən Finlandiyanın Oulu şəhəri ilə İsveçin Haparanda şəhəri arasında qatarlar gündə iki dəfə hərəkət edəcək. Səfərin müddəti təxminən 1 saat 40 dəqiqə təşkil edəcək.

Finlandiyadan İsveçə sərnişin qatarlarının hərəkəti 1988-ci ildə dayandırılıb. Əks istiqamətdə isə dəmir yolu əlaqəsi 1992-ci ildə kəsilib.