Bayden Trampın Orbanla görüşünü tənqid edib

ABŞ Prezidenti Cozef Bayden sabiq ölkə lideri Donald Trampın Florida ştatında Macarıstanın Baş naziri Viktor Orbanla görüşünü tənqid edib.

“Report” xəbər verir ki, bu barədə “The Guardian” yazıb.

“Bilirsiniz, bu gün o (Tramp – red.), Mar-a-Laqoda kiminlə görüşür? Qətiyyətlə demokratiyanın işlədiyinə inanmadığını deyən və diktatura axtaran Macarıstandakı Orbanla”, – Bayden deyib.

Dövlət başçısı həmçinin vurğulayıb ki, o, “demokratiyanın gözdən salındığı deyil, müdafiə olunduğu” gələcəyin tərəfdarıdır.