AEBA Zaporojye AES-lə bağlı müzakirələrin uğurla nəticələnəcəyinə inanır

“Atom Enerjisi üzrə Beynəlxalq Agentlik (AEBA) Zaporojye Atom Elektrik Stansiyasında (AES) təhlükəsiz zonanın yaradılması istiqamətində Rusiya və Ukrayna ilə lazımi müzakirələr aparır və tezliklə uğurlu nəticələr əldə etməyə ümid edir".

"Report" xəbər verir ki, bunu jurnalistlərə açıqlamasında AEBA-nın baş direktoru Rafael Qrossi deyib.

Onun sözlərinə görə, bu AES-in müharibə zonasında yerləşdiyini və buna görə də böyük təhlükə yaratdığını unutmaq olmaz: "Agentliyin məsələyə dərhal müdaxilə etməsi məhz bununla bağlıdır".

R.Qrossi bildirib ki, AEBA təkcə Zaporojye AES-də təmsil olunmur: “Bizim Ukraynanın bütün digər nüvə obyektlərində fəaliyyət göstərən daimi ekspert qruplarımız var”.