ABŞ-nin strateji neft ehtiyatları 40 illik minimumu yeniləyib

ABŞ-nin strateji neft ehtiyatı oktyabrın 23-də başa çatan hesabat həftəsinin sonunda 282,6 milyon barelə enib.

"Report" xəbər verir ki, bunu ABŞ Energetika Nazirliyinin məlumatları göstərir. Bununla yanaşı, ehtiyatlar 1982-ci ilin oktyabrından bəri minimum səviyyəni yeniləməyə davam edir.

ABŞ-nin strateji neft ehtiyatları bir həftə ərzində təxminən 100 min barel azalıb. Ən aşağı səviyyə 1982-ci ildə, 15 oktyabrda bitən hesabat həftəsinin sonunda 280,802 milyon barel olaraq qeydə alınıb.

ABŞ-nin strateji ehtiyatındakı neft ehtiyatları 1982-ci ilin ən aşağı səviyyələrini avqustun sonunda yeniləməyə başlayıb. Oktyabrın əvvəlində bu göstərici 283 milyon barelə enib.

Strateji neft ehtiyatı 1975-ci ildə ABŞ Konqresinin qərarı ilə yeni fövqəladə hallar halında qlobal enerji böhranından sonra yaradılıb.