Reza Deqati gəncləri Xocalı soyqırımından çəkdiyi fotolarla tanış edib

“Xocalıya Ədalət” kampaniyası çərçivəsində tanınmış fotoqraf Reza Deqatinin tələbələrlə görüşü keçirilib.

"Report" xəbər verir ki, tədbir “Gənclərin Maarifləndirilməsinə Dəstək” İctimai Birliyinin təşkilatçılığı ilə baş tutub.

R.Deqati gənclərə Xocalı faciəsi zamanı çəkdiyi fotoları təqdim edib və şahidi olduğu hadisələrdən danışıb. O, həmin ağrılı və acılı günlərin indi də gözünün önündə olduğunu söyləyib.

Fotoqraf Xocalıda və digər yerlərdə çəkdiyi şəkillərlə bağlı həqiqətləri dünyaya çatdırmağa çalışdığını vurğulayıb.

Qeyd edək ki, R.Diqqəti Azərbaycan həqiqətlərini dünyaya çatdırmaq üçün bir çox Avropa ölkələrində sərgilər təşkil edib.