Türkiyə ABŞ məhsullarının idxalına əlavə vergi tətbiq etməyə başlayıb

Bakı. 26 iyun. REPORT.AZ/ Türkiyə hökuməti ABŞ istehsalı olan məhsulların ölkəyə idxalına əlavə vergi tətbiq etməyə başlayıb.

"Report" xarici KİV-ə istinadən xəbər verir ki, həmin məhsullar meyvə, düyü, digər qidalar, spirtli içkilər, tütün yarpağı, minik avtomobilləri, gözəllik və makiyaj mallarıdır. 

Əlavə vergi 10-80% arasında dəyişir. Məsələn, meyvələrə 10%, düyüyə 25%, digər qidalara 10%, spirtli içkilərə 70- 80%, tütün yarpağına 30%, minik avtomobillərinə 60%, gözəllik və makiyaj mallarına isə 30% rüsum tətbiq olunur.