Azərbaycan Səudiyyə Ərəbistanına zəfəran ixracını bərpa edib

Bu ilin I rübündə Azərbaycan 18,4 min ABŞ dolları dəyərində 0,03 ton zəfəran ixrac edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrünün göstəricisindən dəyər ifadəsində 13,3 dəfə, kəmiyyət olaraq – 3 dəfə çoxdur.

Hesabat dövründə Azərbaycan Səudiyyə Ərəbistanına 13,5 min ABŞ dolları dəyərində 0,01 ton, Birləşmiş Ərəb Əmirliklərinə 3,4 min ABŞ dolları dəyərində 0,01 ton (bir il əvvəl tədarük olmayıb) və təyin olunmayan ölkəyə (Rüsumsuz Ticarət Mağazasından alınıb) 1,45 min ABŞ dolları dəyərində (+5,1 %) 0,01 ton (dəyişməyib) məhsul satıb.

Azərbaycan 5 ilin tamamında Səudiyyə Ərəbistanına zəfəran tədarükünü bərpa edib.