Azərbaycan kərə yağı və süddən hazırlanmış digər yağların idxalını azaldıb

Bu ilin yanvar-avqust aylarında Azərbaycan xarici ölkələrdən 10 min 817 ton kərə yağı və süddən hazırlanmış digər yağlar idxal edib.

“Report” Dövlət Gömrük Komitəsinə istinadən xəbər verir ki, bu məhsulların dəyəri 60 milyon 265 min ABŞ dolları təşkil edib.

Bu, həcm baxımından 2022-ci ilin müvafiq dövrü ilə müqayisədə 2 129 ton (16,4 %), dəyər baxımından isə 13 milyon 902 min ABŞ dolları (18,7 %) azdır.

Kərə yağı və süddən hazırlanmış digər yağlar Azərbaycanın ümumi idxalının 0,54 %-ini təşkil edib.

Bu ilin 8 ayında Azərbaycanda 18 min 053 ton kərə yağı istehsal edilib. Bu, 2022-ci ilin müvafiq dövrü ilə müqayisədə 2,7 % çoxdur.