Azərbaycan düyü idxalını 6 % artırıb

Azərbaycan bu ilin yanvar-iyul aylarında xarici ölkələrdən 38 min 927 ton düyü idxal edib.

“Report” Dövlət Gömrük Komitəsinə istinadən xəbər verir ki, bu həcmdə düyünün idxal dəyəri 34 milyon 920 min ABŞ dolları təşkil edib.

Bu, həcm baxımından 2022-ci ilin müvafiq dövrü ilə müqayisədə 2 min 110 ton (5,7 %), dəyər baxımından isə 3 milyon 718 min ABŞ dolları (11,9 %) çoxdur.

Düyü idxalı Azərbaycanın ümumi idxalının 0,37 %-ini təşkil edib.