Türkiyənin müdafiə naziri: "Azərbaycanın işğal olunmuş əraziləri azad edilməlidir"

Bakı. 28 sentyabr. REPORT.AZ/ "Dağlıq Qarabağ Azərbaycan ərazisidir və bu ərazilər işğaldan azad edilməlidir".

"Report" xəbər verir ki, bunu Bakıda səfərdə olan Türkiyənin milli müdafiə naziri Nurəddin Canikli deyib.

Nazir vurğulayıb ki, Ermənistanın işğalı altında olan torpaqlar tez və ya gec azad ediləcək.

N.Canikli bildirib ki, Türkiyə ilə Azərbaycan arasında hərbi sahədə əməkdaşlıq yüksək səviyyədədir: "Biz vahid qüvvə kimi hərəkət edirik. Azərbaycanın gücü Türkiyənin gücüdür və əksinə, Türkiyənin gücü Azərbaycanın gücüdür. Biz xaricdən silah alınmasında problemlərlə qarşılaşırıq. Odur ki, öz silahlarımızı istehsal etməyə başlamaq üçün hərbi sənayedə səylərimizi artırmalıyıq".