Ötən il Gürcüstanda dincələnlərin 4%-i Azərbaycan vətəndaşları olub

Bakı. 5 sentyabr. REPORT.AZ/ Gürcüstanda  2016-cı ildə mehmanxana və mehmanxana tipli obyektlərdə qalanların ümumi sayının 65,8%-i xarici, 34,2%-i isə yerli vətəndaşlar olub. 

"Report" gürcü mətbuatına istinadən xəbər verir ki, qonaqların 3,6%-ni Azərbaycan vətəndaşları təşkil edib. 

Ötən il Gürcüstanda turist qismində qalanların 14,3%-i Rusiya, 7,4%-i Ukrayna, 6,8%-i İran, 6,3%-i İsrail, 3,6%-i Ermənistan, 3,2%-i isə Polşa vətəndaşları olub. 

Gürcüstana üz tutanların 74,6%-nin dincəlmək, 16%-i işgüzar səfər etmək, 1,6%-i müalicə almaq, 7,8%-i digər məqsədlərlə qonşu ölkəyə gəlib.