Laçında növbəti əmək yarmarkası keçiriləcək

Dövlət Məşğulluq Agentliyi mayın 22-də Laçında növbəti əmək yarmarkası keçirəcək.

Bu barədə "Report"a qurumdan məlumat verilib.

Bildirilib ki, tədbirdə işaxtaran şəxslərə 21 müəssisə tərəfindən informasiya texnologiyaları üzrə mühəndis, rabitə mühəndisi, elektrik-qaz qaynaqçısı, ofisiant, yük avtomobili sürücüsü, qənnadıçı, fəhlə, dəmirçi, gözətçi və s. peşə istiqamətləri üzrə 90-a yaxın vakansiya təqdim ediləcək.

Həmçinin, yarmarkaya gələn şəxslərə Dövlət Məşğulluq Agentliyinin icra etdiyi aktiv məşğulluq proqramları və layihələr barədə də ətraflı məlumatlar veriləcək.