Bu il Azərbaycanda mis konsentratının istehsalı 25 % artıb

Bu ilin yanvar-avqust aylarında Azərbaycanda 1 375,7 kq qızıl, 2 716,8 kq gümüş istehsal edilib.

“Report”un Dövlət Statistika Komitəsinə istinadən verdiyi xəbərə görə, qızıl istehsalı 2022-ci ilin eyni dövrü ilə müqayisədə 30,1 %, gümüş istehsalı 41,1 % azalıb.

Ötən aylar ərzində Azərbaycanda mis konsentratının istehsalı 2 096,1 ton olub ki, bu da 2022-ci ilin yanvar-avqust ayları ilə müqayisədə 24,9 % çoxdur.

Bu ilin sentyabrın 1-nə ölkədə 246 kq qızıl, 250,7 kq gümüş ehtiyatı yaranıb. Mis konsentratının ehtiyatı isə bu ilin sentyabrın 1-nə 593,3 ton təşkil edib.