Ukraynada koronavirus aşkarlandı

Daha bir postsovet ölkəsində ilk dəfə koronavirusa yoluxma halı qeydə alınıb.

“Report” “Habertürk”ə istinadən xəbər verir ki, diaqnoz İtaliyadan Ukraynaya səyahət edən bir xəstəyə qoyulub və xəstə karantinə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda epidemiya 71 ölkə və regionu əhatə edir.

Dünyada koronavirus infeksiyasına indiyədək yoluxanların sayı 91 000-ə çatıb. Bunların 48 238 nəfəri sağalıb, 3 120 nəfəri isə ölüb.

Ümumdünya Səhiyyə Təşkilatı (ÜST) fevralın 11-də yeni növ pnevmoniyanın adını COVID-19 qoyub.